Велешанец почина од коронавирус, друг е на респираторна машина

1
Ace Kocevski-veligden

Еден велешанец почина, а еден е во тешка состојба и е приклучен на респираторна машина на Инфективната клиника во Скопје, соопшти градоначалникот на Велес Аце Коцевски.

Тој рече дека во последните 24 часа се регистрирани нови девет случаи на заразени велешани со коронавирус.

Сепак, според Коцевски, нема место за паника, бидејќи кластерите од кои доаѓаат заразените се знаат. Тој рече дека разговарал со сопственикот на конфекцијата “Ју Ка”, кој му кажал дека фирмата го запрела производството и на работа оделе само мал дел од вработените.

Коцевски апелираше до граѓаните да ги почитуваат мерките за заштита на ширењето на вирусот.