сабота, 26 септември, 2020
Реклама

Повеќе опоравени од заразени велешани регистрирани денеска

Infektivno Veles

Еден велешанец заразен со коронавирус е дел од 22 нови случаи на граѓани кои се позитивни на тестот за Ковид-19 во земјава во последното деноноќие.

Тие се откриени откако во последните 24 часа се направени 462 тестирања, што изнесува 5,2 проценти на позитивни во однос на тестирани.

Освен во Велес, коронавирус е откриен кај деветмина скопјани, во Тетово се откриени нови шест случаи, во Прилеп четири, а по еден има во Куманово и Охрид.

Во ГОБ „8 Септември“ почина пациентка од Скопје на 79 годишна возраст, хоспитализирана како сомнителна на ковид-19 на 13 мај, а потврдена позитивна на 15 мај.

Институтот за јавно здравје денеска регистрира 16 оздравени пациенти и тоа во Велес, Прилеп и Струга по двајца, во Скопје осуммина и по еден во Гостивар и Кратово.

Од вкупниот број на направени тестови во изминатото деноноќие 171 тест е направен во рамките на скринингот од градинките. Преку Институтот за јавно здравје тестирани се 80 лица од Битола, а преку МАНУ тестирано е 91 лице од Скопје и сите се негативни.

Досега во земјата се направени вкупно 21010 тестирања на ковид -19.

Вкупната бројка на ковид дијагностицирани во нашата земја од почетокот на епидемијата изнесува 1762, бројката на оздравени пациенти е 1267, на починати е 98, а во моментов бројот на активни случаи во земјата изнесува 397.

Mon Жан - Играчки