Booking.com ќе отпушти повеќе од 4.000 вработени

2
booking.com

Компанијата за резервации на хотели и куќи за изнајмување „Букинг“ (Booking.com) соопшти дека ќе отпушти повеќе од 4.000 вработени, што е една четвртина од нејзината работна сила, бидејќи патувањата драстично опаднаа поради пандемијата на коронавирусот.

Отпуштањата ќе започнат следниот месец и ќе траат до крајот на годината, наведува матичната компанија „Букинг Холдинг“, која е сопственик и на компаниите за резервации на ресторани „ОпенТејбл“ (OpenTable) и „Прајслајн“ (Priceline).

Како што пренесува Сеебиз, бројот на резервирани соби на „Букинг“ во текот на првиот квартал од оваа година опадна за 43 проценти, на 124 милиони, а падот продолжува.

Компанијата уште во мај ги предупреди инвеститорите да се подготват за полошо во вториот финансиски квартал, чии резултати треба да бидат објавени во четврток.

Букинг има 17.500 вработени и повеќе од 200 канцеларии во светот.

Извор: libertas.mk

Можеби ќе ве интересира: