Велешанецот Ивица Илиев и искусниот голман Славјан Паунов веќе не се дел од велешкиот ракометен суперлигаш, Фруитленд Борец. Од клубот истакнаа дека постигнале договор за спогодбен раскин на нивните договори.
Раководството на Фруитленд Борец им се заблагодари на двајцата играчи за нивниот придонес кон клубот и им посака успех во понатамошната кариера. Клубот останува посветен на градењето силен тим за претстојните предизвици во домашното првенство и Kупот и е во потрага по играчи до крајот на трансфер периодот на позицијата голман и среден бек.
Фруитленд Борец досега се засили со хрватскиот лев бек Бариша Цвитановиќ, бразилскиот интернационалец Габриел Гуедеш Черубим кој игра на позиција десен бек, исто како и новајлијата Синиша Павлов и средните бекови Бобан Петров и Марио Миланов. Претходно тимот го напушти и Тоше Ончев, кој замина во Шпанија.
