Македонскиот кајакар Ангел Петрушев не успеа да обезбеди пласман во полуфиналето на Светското првенство во кајак слалом, кое оваа година се одржува во Сиднеј, Австралија, најголемиот и најпрестижен настан во светскиот календар на овој спорт.
Во денешната квалификациска трка, Петрушев го освои 57. место од вкупно 75 натпреварувачи, заостанувајќи зад најдобро пласираниот, Јакуб Крејчи од Чешка, за 12 секунди и 65 стотинки.
И покрај напорот и учеството на светската сцена, Петрушев нема да продолжи во полуфиналната фаза. Сепак, ова претставува значајно искуство за македонскиот репрезентативец во подготвките за идните натпревари на меѓународно ниво.
