Утринава во 08:00 часот, по претходно добиени оперативни сознанија и врз основа на судска наредба издадена од Основниот суд во Велес, полициски службеници од Одделението за криминалистичка полиција при СВР Велес извршија претрес во домот на Г.П. (59) од село Согле, општина Чашка.
Претресот бил извршен поради постоење основи на сомнение за сторено кривично дело „поткуп при избори“, казниво по член 162 од Кривичниот законик. При акцијата, биле пронајдени и одземени 60 банкноти со апоен од 2.000 денари, како и еден мобилен телефон.
За случајот бил известен јавен обвинител од Основното јавно обвинителство Велес. Со лицето било извршено службено информативно разговарање, а од СВР Велес информираат дека по целосно документирање и расчистување на случајот, ќе биде поднесен соодветен поднесок до надлежните органи.
