Возач на „бентли“ е уапсен откако возел со 143 километри на час на делница каде што брзината е ограничена на 50.
Инцидентот се случил вчера (16.11.2025) во 11:45 часот на експресниот пат Лозово-Велес. Полициските службеници од СВР Велес го лишиле од слобода 45-годишниот М.Ј. од Штип во близина на крстосницата за село Мамутчево.
Тој е приведен во полициска станица и по целосно документирање ќе се соочи со кривична пријава по член 297-а од Кривичниот законик, за „безобѕирно управување со моторно возило“.
