Превалец со убедлива победа над Башкими

Екипата на Превалец ја оправда фаворитската улога и со сигурна игра го совлада составот на Башкими од Горно Јаболчиште со 3:0, во натпревар одигран во велешката населба Превалец. Домашните ја контролираа играта во текот на целиот меч и заслужено стигнаа до нови три бода, со кои ја задржаа лидерската позиција на табелата.

Првото полувреме донесе само еден погодок, но и доминација на Превалец. Во 35. минута Филип Драскачев ја затресе мрежата на гостите, поставувајќи 1:0. На стартот од вториот дел, веќе во 49. минута, Јосиф Манасиев ја зголеми предноста на 2:0, што дополнително им даде сигурност на домаќините. Точка на натпреварот стави Антонио Чоков во 75. минута, потврдувајќи ја убедливата победа од 3:0.

Agria

Во последното коло од првенството, Превалец ќе гостува кај последнопласираниот тим на Дреново, каде што ќе има шанса со уште една победа да го завери врвот на табелата.

 

Сподели преку :

Facebook
Twitter
LinkedIn
Pinterest

Можеби ќе ве интересира: