Кошаркарите на Борец Баскет ја продолжија победничката серија во првенството, запишувајќи ја четвртата победа по ред. Велешани вчера триумфираа на тешкото гостување кај Овче Поле со 74:70, во натпревар кој се емитуваше во живо на националната телевизија МТВ.
Домаќините го добија првиот дел поради нешто послабото издание на Борец, но по паузата велешани влегоа значително поангажирано и агресивно. Клучната се покажа третата четвртина, во која Борец славеше со 24:18 и го превзеде водството што успеа да го задржи до самиот финиш.
Најрасположен за игра кај победникот беше Елис со 20 поени, а веднаш зад него беа Трпески со 16 и Чадамов со 13 поени. Свој придонес даде и Сапроновски, кој беше важен фактор во одбраната.
Во следното коло Борец Баскет ќе има нов сериозен предизвик – во Велес гостува силната екипа на Соколи 1933 од Штип, која досега има само еден пораз во првенството. Велешани ќе бараат продолжување на одличната серија пред домашната публика.
