11. коло од Општинската фудбалска лига во Велес

Во рамките на 11. коло од Општинската фудбалска лига во Велес беа одиграни три интересни натпревари кои донесоа голови, пресврти и ново раздвижување на табелата.

Екипата на Врановци продолжува со одличните партии, откако со 3:1 го совлада тимот на Горски. Шабанов Адрит го отвори резултатот во 21. минута, а само шест минути подоцна Имеров Серхан зголеми на 2:0. Горски се врати во игра преку Благој Хаџи Наумов во 39. минута, но сите дилеми ги реши Шабанов Асрит со голот во 48. минута.

Највозбудливиот меч се одигра меѓу Согле и Младост 1976, каде гостите славеа со 2:4. За Согле погодија Аријан Колашинац во 51. и Азизов Блерим во 69. минута, но во центарот на вниманието беше Оливер Велковски кој постигна хет-трик (40, 55 и 60 минута), додека Јавашев Николче се запиша меѓу стрелците во 27. минута.

Форца Нова сигурно ги освои бодовите против Локомотива, триумфирајќи со 2:0. Петровски Бране донесе рано водство уште во 6. минута, а победата ја потврди Картинов Виктор во 22. минута. Во ова коло слободна беше екипата на Раштани.