Реномираниот лабораториски бренд Рамус лабораторија го проширува своето присуство во Македонија со отворање на нов, современ дијагностички центар во Велес. Со ова, жителите на Велес и околината добиваат директен пристап до врвни лабораториски услуги и современа медицинска дијагностика, согласно највисоките европски стандарди.
Новиот центар нуди широк спектар на анализи – биохемиски, хематолошки, микробиолошки, молекуларни и генетски испитувања. Со примена на најнова технологија и стручен кадар со долгогодишно искуство, се обезбедуваат прецизни, брзи и сигурни резултати, клучни за навремена дијагноза и квалитетна здравствена грижа.
Рамус лабораторија, која функционира од 2018 година, денес е еден од најголемите и најдоверливи лабораториски ланци во земјава. Мрежата опфаќа 14 лаборатории со поликлиники во 12 градови, со континуирани инвестиции во развој, иновации и унапредување на услугите.
Компанијата е дел од најголемиот лабораториски ланец на Балканот, со повеќе од 250 лаборатории во Бугарија, Романија и Македонија – што овозможува одржување на високи стандарди, следење на најновите медицински трендови и постојана едукација на персоналот.
Со отворањето на центарот во Велес, Рамус лабораторија ја зајакнува својата мисија – достапна, брза и сигурна дијагностика за секој пациент, поблиску до местото на живеење.
Свеченото отворање е закажано за среда, на 22-ри, а центарот се наоѓа на улица „Тодор Јанев“ број 5, близу до фитнес клубот „777“.
По повод отворањето, на 22 и 23 април ќе бидат доделени 100 бесплатни крвни слики.
Работното време на лабораторијата е од понеделник до петок од 07:00 до 19:00 часот, а во сабота од 08:00 до 13:00 часот.
Рамус лабораторија – доверба, прецизност и грижа за здравјето.
