Компанијата „Кожувчанка“ соопшти дека во изминатите пет години инвестирала повеќе од 90 милиони денари, односно околу 1,5 милиони евра, во донации и спонзорства низ Македонија. Од компанијата велат дека општествената одговорност не ја гледаат како обврска, туку како дел од вредностите врз кои го градат своето работење.
„Општествената одговорност за нас не е обврска. Таа е дел од вредностите на Компанијата“, наведуваат од „Кожувчанка“.
Според објавените податоци, средствата биле насочени кон поддршка на спортот, културата, здравството, образованието, локалните заедници, како и различни иницијативи кои имаат цел да придонесат за подобар и поквалитетен живот на граѓаните. Од компанијата порачуваат дека и во иднина ќе продолжат да инвестираат во проекти и активности од јавен интерес.
„Поддржувавме спорт, култура, здравство, образование, локални заедници и иницијативи кои придонесуваат за подобар и поквалитетен живот на нашите сограѓани. Затоа што за Кожувчанка, луѓето и заедницата се секогаш на прво место“, наведуваат од компанијата.
