Сеуште е активен е пожарот кој од подрачјето на Велес се шири кон Зелениково. Пожарникарите на терен, со ползење и пробивање низ густа вегетација и трња, се движеле по самата огнена линија, при што успеале да заштитат две загрозени села.
Во текот на вчерашниот ден избувнале вкупно 29 пожари на отворен простор, информира директорот на Дирекцијата за заштита и спасување, Стојанче Ангелов. Од нив, 23 се изгаснати, додека шест пожари и претпладнево остануваат активни.
Пожарот во Македонски Брод е значително намален. Во неговото гаснење интервенирале и три „ертрактори“, како и полициски хеликоптер.
Активен пожар има и во Студеничани, кај селото Рамни Габер, но огнената линија е оддалечена од селото и во моментов не го загрозува.
