Денеска времето ќе биде сончево и топло, со мала до умерена локална облачност. Во попладневните часови наместа ќе биде нестабилно, со пороен дожд, грмежи и засилен ветер.
Локално процесите ќе бидат поинтензивни и ќе има услови за појава на невреме, проследено со силен ветер, пороен дожд и град.
Ќе дува слаб до умерен ветер од северен правец. Минималната температура ќе се движи од 14 до 22 степени, додека максималната ќе достигне од 30 до 35 степени.
Времето во наредните денови
Денеска и утре претпладне времето ќе биде сончево и многу топло, а во попладневните часови повторно се очекува појава на нестабилност со засилен ветер, пороен дожд, грмежи и услови за град.
До почетокот на следната седмица времето ќе биде сончево и топло, со мала до умерена локална облачност. Во четврток и петок ќе дува засилен до силен ветер, претежно од северен правец.
