Автомобил „Фолксваген“, со велешки регистарски таблички, попладнево се заби во столбот од билбордот кој се наоѓа точно пред „Жито маркет“ кај поранешната „Авона“ во Велес.
Според првичните информации, автомобилот се движел од правец на трговскиот центар, при што од засега неразјаснети причини удрил во кружниот тек, а потоа завршил во столбот од билбордот.
На местото на настанот во моментов се присутни полициски екипи кои вршат увид и ги утврдуваат околностите под кои се случила сообраќајната незгода.
Засега нема официјални информации за здравствената состојба на возачот, ниту дали во незгодата има други повредени лица. Повеќе информации се очекуваат по завршувањето на увидот.
