Дел од музичката програма за овогодишната „Питијада“ во Велес веќе е познат. Фестивалот на велешка пита и вино ќе се одржи од 9 до 11 октомври, на досегашната локација, позната меѓу велешани како „Кај Панини“.
Петок традиционално ќе започне со најмладите, односно со настап на децата од градинката, по што следува подготовката на џиновската пита пастрмајлија. Вечерта ќе заврши со настап на Влатко Лозановски.
Саботната вечер е резервирана за балканската музичка ѕвезда Наташа Беквалац, додека во недела на сцената, по барање на повеќе велешани, ќе настапи „Црвена Јабука“. Пред нив ќе пее Давид Темелков.
Останатите учесници во музичката програма сè уште се договараат, па конечната програма ќе биде дополнително објавена.
Еден од најпосетените велешки фестивали и годинава ќе ги спои традиционалната велешка пита, виното и музиката, во три фестивалски вечери.
