Утре на Градскиот стадион „Гоце Делчев“ во Прилеп ќе се одигра дербито од 6. коло во Третата фудбалска лига – регион 4, во кое силите ќе ги одмерат лидерот ГФК Победа и второпласираниот Борец 1919 од Велес.
Прилепчани влегуваат во дуелот со максимални 15 бода и со водечката позиција на табелата. Велешани, пак, по двата кикса на домашен терен против Башкими и Росоман, заостануваат четири бода зад лидерот и се наоѓаат на второто место.
За Борец 1919 ова ќе биде можност да ја намали бодовната разлика и да се врати во трката за врвот, додека Победа ќе се обиде да ја продолжи победничката серија пред домашната публика.
Натпреварот на стадионот „Гоце Делчев“ во Прилеп ќе започне во 15 часот.
