Кадетскиот состав на РК Гемиџии ја забележа првата победа во кадетската машка лига, откако на гостувањето во Штип убедливо го совлада Текстилец со 41:15 (26:5).
Младите ракометари на Гемиџии одиграа одличен натпревар и уште во првото полувреме ја најавија високата победа. Со цврста игра во одбраната и ефикасен напад, гостите на паузата заминаа со убедлива предност од 21 гол разлика.
Во вториот дел Гемиџии продолжи во ист ритам, ја одржа контролата врз натпреварот и стигна до убедлив триумф со конечни 41:15.
Најефикасен во редовите на Гемиџии беше Димитар Ризов со 6 погодоци, додека Димитар Витев и Симон Бобевски постигнаа по 3 гола. По 3 погодоци запишаа и Бојан Мартинов и Симеон Петров.
Оваа победа претставува значаен поттик за кадетите на Гемиџии и добра најава за продолжението на сезоната, во која младите ракометари ќе се обидат да продолжат со добрите настапи.
