Продолжуваат возбудувањата во Куп натпреварите под организација на Општински фудбалски сојуз Велес, преку кои ќе биде одреден претставникот на велешкиот регион во националниот Куп што ќе стартува со почетокот на следната фудбалска сезона.
Вчера беа извлечени полуфиналните двојки, а љубителите на фудбалот ќе имаат можност да проследат две интересни пресметки. Во едниот натпревар силите ќе ги одмерат Башкими и Борец 1919, додека во второто полуфинале ќе се сретнат Тополка и Младост.
Натпреварите се закажани за среда, 20 мај, а победниците од двете средби ќе обезбедат пласман во финалето кое ќе се одигра во сабота, 23 мај.
