Сончево време со мала до умерена облачност е денешната прогноза од Управата за хидрометеоролошки работи (УХМР). Во попладневните часови ќе има локален развој на нестабилна облачност со пороен дожд и појава на грмежи.
Во текот на денот ќе дува слаб до умерен ветер од северозападен правец. Утринската температура ќе биде од три до 10 Целзиусови степени, а дневната од 18 до 25 степени.
Во Велес, времето денеска ќе биде сончево со слаб до умерен ветер од северозападен правец. Температурата ќе се движи од седум степени наутро до 23 во текот на денот.
