Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 1,50 ден/лит, додека малопродажната цена на ЕУРОДИЗЕЛ (Д-Е V) се зголемуваа за 0,50 ден/лит, одлучи денес Регулаторната комисија за енергетика на Македонија (РКЕ).
Од ноќеска на полноќ малопродажната цена на ЕУРОСУПЕР БС-95 ќе изнесува 74,00 ден/лит, додека малопродажната цена на ЕУРОСУПЕР БС-98 ќе изнесува 76,00 ден/лит. Малопродажната цена на ЕУРОДИЗЕЛ (Д-Е V) ќе изнесува 70,00 ден/лит.
Малопродажната цена на Екстра лесното масло за домаќинство на (ЕЛ-1), не се менува, односно останува со иста цена и ќе изнесува 69,50 ден/лит. Малопродажната цена на Мазутот М-1 НС, се намалува за 0,174 ден/кг, и од ноќеска на полноќ ќе се прода за 39,409 ден/кг.
