Младиот македонски репрезентативец Благој Гугинов од ККК „Арка-Борец“ оствари нов значаен успех на меѓународната сцена, откако го освои првото место во јуниорска конкуренција на денешниот натпревар од Европскиот куп во кајак спуст, одржан на реката Moll во Обервилах.
Гугинов беше најдобар меѓу 25 натпреварувачи од девет европски земји, со што уште еднаш го потврди својот квалитет и потенцијал во оваа дисциплина.
Овој резултат доаѓа по одличниот настап на Гугинов на натпреварот во Грандтали, Шкотска, каде што македонскиот репрезентативец обезбеди пласман во големото финале и заврши на деветтото место во Европа во јуниорска конкуренција.
Во сениорска конкуренција, македонскиот претставник Љубомир Спасиќ го освои 17. место од вкупно 33 натпреварувачи. Успесите на Гугинов и Спасиќ се уште една потврда за континуираниот развој на македонскиот кајак спуст и успешното претставување на македонските натпреварувачи на меѓународните натпревари.
