Најдобриот македонски спортист за 2024 година, Бобан Илиоски, оствари уште еден фантастичен успех откако ја одбрани светската титула во кик-бокс, славејќи над францускиот борец Кадри Мурсели.
Борбата што се одржа во Женева мина во доминација на Македонецот, кој во голем стил го одбрани трофејот, за уште една потврда дека е најдобар во овој спорт во својата категорија.
Илиоски до појасот во ВАКО-Про до 88,6 килограми во категоријата К1, дојде и втора година по ред, откако минатата година во Скопје славеше над Турчинот, Берк Дузенли.
