Борец Баскет продолжува со максимален ефект во новата сезона на Првата македонска кошаркарска лига. Во второто коло, на условно домашен терен во Штип, велешкиот тим убедливо го совлада Младинец со 95:56.
Сопроновски беше најефикасен во редовите на Борец Баскет со 24 поени. Захариев постигна 15, Коцевски 14, а Андов го заврши натпреварот со 13 поени.
Со оваа победа, Борец Баскет потврдува дека и со помладен состав може да парира и да ги зголеми амбициите и во продолжението од првенството, откако сезоната ја започна со две победи во првите две кола.
