Одбојкарките на Борец жени со победа ја започнаа новата сезона во Втората женска одбојкарска лига, откако на тешкото гостување во Тетово ја совладаа екипата на Шкендија со 2:3 во сетови.
Во неизвесен натпревар против дебитантот во лигата, велешките одбојкарки славеа со 25:19, 16:25, 25:22, 14:25 и 9:15 по сетови.
Домашната екипа го освои првиот сет, но Борец жени возврати во вториот и израмни на 1:1. По освојувањето на третиот сет од страна на Шкендија, велешките одбојкарки повторно ја презедоа иницијативата, убедливо го добија четвртиот сет и изборија решавачки петти сет.
Во одлучувачкиот сет, Борец жени покажа поголема сигурност и славеше со 9:15, за победнички старт на сезоната и важни бодови од гостувањето во Тетово.
