Во прекрасниот амбиент на Градскиот парк вечерва продолжуваат возбудувањата од Детскиот фудбалски турнир 2025, со одигрување на четвртфиналните дуели. Турнирот, кој се одржува оваа недела, е организиран од Општина Велес во соработка со фудбалскиот тренер Панче Нанев, и веќе се наметна како значаен спортски настан за младите фудбалски таленти од градот и пошироко.
Четвртфиналната програма вклучува четири интересни дуели:
Тополка – Блум Бренд
Мала Ајакс – Работник Галактикос
Борец 1919 – Којник
Наш’то Маало – Јаболчиште
Организаторите најавуваат динамични и неизвесни натпревари, исполнети со фер-плеј и спортски дух, како што доликува на ваков детски фудбалски настан. Натпреварите ќе се одиграат во вечерните часови, а публиката е добредојдена да ги поддржи младите играчи и да ужива во спортската атмосфера.
Со вакви иницијативи, Општина Велес и локалните спортски ентузијасти продолжуваат да вложуваат во развојот на спортот кај најмладите, овозможувајќи им простор за натпреварување, дружење и афирмација.
