Малопродажната цена на ЕУРОДИЗЕЛ (Д-Е V) се намалува за 2,50 денари за литар, а малопродажната цена на Екстра лесното масло за домаќинство на (ЕЛ-1) се намалува за 2 денари, вака вчера одлучија членовите на Регулаторната комисија за енергетика (РКЕ). Цени на бензините и на мазутот не се менуваат.
Од полноќ, новата цена на дизелот е 70,5 денари за литар, а на Екстра лесното масло за домаќинство се продава 67,5 денари за литар. Цените на бензините остануваат исти. Еуросупер БС-95 се продава по цена од 75 денари за литар, а Еуросупер БС-98 по цена од 77 денари за литар.
Со вчерашната одука на Регулаторната комисија за енергетика, се врши намалување на малопродажните цени на нафтените деривати во просек за 1,26 отсто.
