Одбојкарите на ГОК Борец остварија убедлива победа на гостувањето кај екипата на Весна од Пробиштип, славејќи со максимални 0:3 во сетови (20:25, 14:25, 10:25).
Велешкиот тим ја оправда фаворитската улога и со сигурна игра во сите три сета стигна до значајна победа во бараж-дуелот. ГОК Борец доминираше особено во вториот и третиот сет, во кои на противникот му дозволи да освои само 14, односно 10 поени.
Реванш-натпреварот ќе се одигра в среда во Велес, каде што ГОК Борец ќе има можност да го потврди триумфот и да обезбеди место во Прва А лига.
Според новиот систем на натпреварување, кој за првпат ќе се применува оваа сезона, шесте победници од бараж-дуелите ќе формираат Прва А лига, додека шесте поразени екипи ќе се натпреваруваат во Прва Б лига
