Велешкиот кајакар Кристијан Смилев оствари одличен резултат на Светското првенство за јуниори и до 23 години во Краков, Полска. Во конкуренција од 94 натпреварувачи, Смилев во категоријата јуниори го освои 20. место и обезбеди пласман во полуфиналето.
Смилев зад најбрзиот натпреварувач Марек Килчички од Полска заостана 5 секунди и 65 стотинки, со што се најде меѓу најдобрите млади кајакари кои продолжуваат во борбата за висок пласман.
На истото Светско првенство настапија и останатите македонски јуниори. Павел Димовски го освои 68. место, додека Филип Петрушев заврши на 84. позиција.
Полуфиналните и финалните возења ќе се одржат во петок, 3 јули, на истата патека во Краков, каде Смилев ќе се бори за што подобар резултат.
