Полициски службеници од СВР Велес лишиле од слобода 25-годишен велешанец по кого била распишана потерница по наредба од Основниот кривичен суд Скопје.
Како што информираат од полицијата, на 13.03.2026 во 17:45 часот во Велес бил приведен Т.И.(25) од Велес, врз основа на издадена потерница за издржување мерка притвор. Потерницата била издадена по наредба од Основен кривичен суд Скопје.
По приведувањето, лицето било спроведено во Казнено-поправната установа Затвор Скопје, каде ќе ја издржува мерката притвор согласно судската наредба. Од СВР Велес информираат дека ваквите активности се спроведуваат континуирано со цел пронаоѓање лица по кои се трага по основ на судски наредби и потерници.
