Успешна крводарителска акција се одржа во гимназијата „Кочо Рацин“ во Велес, каде учениците, наставниците и вработените уште еднаш ја покажаа својата хуманост и подготвеност да помогнат во спасувањето човечки животи.
На акцијата беа дарувани вкупно 23 крвни единици, со што учесниците дадоа свој придонес во обезбедувањето на неопходните резерви на крв.
Во реализацијата на акцијата учествуваа волонтери на Црвениот крст на РСМ – Општинска организација Велес, како и медицинска екипа од Институтот за трансфузиона медицина од Скопје.
Со ваквите хумани активности, велешката гимназија продолжува да ја поттикнува солидарноста и хуманоста кај младите, потсетувајќи дека секоја дарувана крв може да спаси човечки живот.
