Во текот на ноќта во Велес се регистрирани два одвоени случаи на семејно насилство, соопшти полицијата. Во првиот случај, на 25 август во 00:30 часот, полициски службеници од СВР Велес го лишиле од слобода 43-годишниот И.М. од Велес, по претходна пријава дека во домот ѝ се заканувал на својата 41-годишна поранешна сопруга.
При проверките било утврдено дека И.М. бил под дејство на алкохол, при што му биле измерени 2,14 промили алкохол во крвта. Тој бил задржан во полициска станица, а за случајот бил известен јавен обвинител. По целосното документирање на настанот, против него ќе биде поднесена соодветна пријава.
Само неколку часа подоцна, во 03:00 часот, во СВР Велес било пријавено дека Ф.К. физички ја нападнал својата 40-годишна невенчана сопруга во домот во Велес, каде што таа привремено престојувала. Според пријавеното, Ф.К. запалил и предмет во домот, кој бил изгаснат од пријателка на жената.
За настанот бил известен јавен обвинител, а полицијата презема мерки за целосно расчистување на случајот.
