Двајца велешани на возраст од 20 и 68 години биле лишени од слобода вчера попладне во Велес, откако полицијата при сообраќајни контроли утврдила дека управувале мопеди без да ги исполнуваат законските услови за тоа.
На 4 септември во 14:50 часот, полициски службеници од СВР Велес на улицата „Благој Ѓорев“ запреле мопед без регистарски ознаки, управуван од 20-годишниот Д.П. од Велес.
По извршените проверки било констатирано дека младиот велешанец управувал со мопедот без да поседува возачка дозвола. По насоки од јавен обвинител, Д.П. бил приведен во полициска станица, а мопедот бил одземен.
Само два часа подоцна, во 16:45 часот, на улицата „Којник“ во Велес бил запрен уште еден мопед. Со него управувал 68-годишниот Б.Ј. од Велес, а мопедот бил со велешки регистарски ознаки.
И во овој случај, полициските проверки покажале дека возачот го управувал мопедот без положен возачки испит.
По насоки од јавен обвинител, Б.Ј. бил приведен во полициска станица, а мопедот бил одземен.
Од СВР Велес информираат дека по целосното документирање на двата случаи против лицата ќе бидат поднесени соодветни пријави.
