Вчера во село Бузалково избувнал пожар во еден објект, кој според првичните информации, предизвикал материјална штета. Територијалната Противпожарна Единица – Велес веднаш излегла на терен со две противпожарни возила и четворица пожарникари-спасители.
По пристигнувањето, пожарот веќе бил во развиена фаза, што ја отежнало интервенцијата. Поради интензитетот на огнот, побарана е дополнителна логистичка поддршка – дотур на вода и засилување со уште двајца пожарникари.
Благодарение на навремената и професионална интервенција, спречено е ширење на пожарот кон соседните објекти, со што е избегната поголема материјална штета и потенцијална опасност по животната средина и населението.
