Тројца осуденици кои биле барани со потерници за издржување затворски казни се приведени вчера во Велес во координирана полициска акција на СВР Велес, информираше Министерството за внатрешни работи.
Првиот приведен е М.Т. (44) од Велес, кој бил лишен од слобода во 21:00 часот. Тој бил баран врз основа на судска наредба за издржување двегодишна затворска казна поради сторено кривично дело „измама“, согласно член 247 од Кривичниот законик.
Претходно истата вечер, во 19:40 часот, бил приведен и Н.Д. (33), исто така од Велес, кој исто така имал активна потерница. Тој е осуден на две години затвор за сторено кривично дело „тешка кражба“, по член 236 од Кривичниот законик.
Третиот приведен, Ш.Р. (39) од Велес, бил фатен во 16:15 часот, исто така по судска наредба за издржување казна затвор за „тешка кражба“. Сите тројца се спроведени во Казнено-поправната установа Затвор Идризово, каде ќе ја издржуваат изречената казна затвор.
