Педесет и четиригодишен велешанец е приведен откако предизвикал пожар на сува трева во близина на Башино Село.
Од СВР Велес информираат дека на 1 август во 13:25 часот полициски службеници го лишиле од слобода Д.Б. (54) од Велес. Тој со алат сечел метален предмет, при што од искрите се запалила сувата трева.
Во пожарот нема повредени, а огнот го изгаснал Д.Б. заедно со други лица кои се нашле во близина.
За настанот бил известен јавен обвинител, а увид извршила екипа од СВР Велес. По целосното документирање на случајот, против 54-годишникот ќе биде поднесена соодветна пријава.
