Вечерва со почеток во 20 часот, љубителите на класичната музика ќе имаат можност да уживаат во концертот на сопранот Вероника Караколева и пијанистката Фросина Џини. Настанот ќе се одржи во Ликовниот салон во Велес.
Во рамки на концертната програма, публиката ќе има ретка можност да слушне изведби на италијански арии од Пиетро Маскањи, како и композиции од Жан Хаце, Тодор Скаловски и Франц Шуберт.
Концертот се одржува како дел од културната манифестација „Велешко лето“, а влезот за посетителите е бесплатен.
