Во Велес вчера се одржа седмата по ред крводарителска акција во организација на здружението „Велес бајкинг“, која резултираше со рекорден одзив и постигна вкупно 99 дарувања. Со тоа беше надминат претходниот рекорд од 76 дарувања, поставен на една од претходните акции.
Организаторите изразија голема благодарност до сите хумани граѓани кои се вклучија и помогнаа да се соберат потребните количества крв.
Акцијата беше реализирана во соработка со Црвен крст на РСМ – Општинска организација Велес, Институтот за трансфузиона медицина од Скопје и здружението „Велес бајкинг“, кои ја истакнаа важноста од редовните крводарителски активности за спасување човечки животи.
