Вистинска драма се одвивала доцна синоќа во угостителски објект во Велес, каде вербална расправија за неколку моменти прераснала во жестока тепачка меѓу шест лица.
Според очевидци кои биле присутни во локалот, настанал хаос, а вознемирените гости се обидувале да се тргнат на безбедно додека траела пресметката. Тие тврдат дека учесниците меѓусебно се удирале и користеле чаши, шишиња и други стаклени предмети, при што биле искршени повеќе чаши и шишиња.
Од Министерството за внатрешни работи информираа дека инцидентот се случил на 13 јули, во периодот од 23:30 до 23:50 часот. Полициски службеници од СВР Велес ги лишиле од слобода П.М. (39) од селото Смиловци, општина Чашка, како и А.Ј. (39), А.В. (39), Б.Ѓ. (39), Б.М. (38) и Д.М. (39), сите од Велес.
Според полицијата, по кратка вербална расправија меѓу А.Ј. и А.В. избувнала физичка пресметка, во која од едната страна учествувале А.Ј. и П.М., а од другата А.В., Д.М., Б.М. и Б.Ѓ. Во тепачката биле употребени и стаклени предмети.
„На 13.07.2026 во периодот од 23:30 до 23:50 часот, полициски службеници од СВР Велес, ги лишија од слобода П.М.(39) од село Смиловци, општина Чашка, А.Ј.(39), А.В.(39), Б.Ѓ.(39), Б.М.(38) и Д.М.(39), сите од Велес, затоа што во угостителски објект во Велес, по кратка вербална расправија помеѓу А.Ј. и А.В., настанала физичка пресметка помеѓу А.Ј. и П.М. од една страна и А.В., Д.М., Б.М. и Б.Ѓ. од друга страна, при што биле употребени и стаклени предмети“, се вели во соопштението од полицијата
За случајот е известен јавен обвинител, а по целосното документирање на настанот против инволвираните ќе бидат поднесени соодветни пријави.
