Манчестер Јунајтед и официјално го назначи Мајкл Керик за нов постојан менаџер на клубот, по серијата добри резултати кои ги оствари како привремен тренер на „црвените ѓаволи“.
Керик ја презеде екипата по заминувањето на Рубен Аморим во јануари и за краток период успеа да внесе стабилност во тимот, враќајќи го Јунајтед во борба за местата кои водат во Лигата на шампионите.
Англиските медиуми пренесуваат дека челниците на клубот биле задоволни од напредокот на екипата, атмосферата во соблекувалната и пристапот на Керик кон работата, по што била донесена одлука тој да остане на клупата и во наредните сезони.
Според информациите од Англија, Керик потпишал договор до 2028 година.
Навивачите на Манчестер Јунајтед позитивно ја прифатија веста, надевајќи се дека поранешниот играч за врска ќе успее повторно да го врати клубот на победничките патеки.
Манчестер оваа сезона ќе ја заврши на третото место и обезбеди пласман во Лигата на шампионите.
