Денес времето во Македонија повторно ќе донесе многу топло време и позасилена топлина и тоа поради присуството на топол воздух од југ, односно од Африка. Времето ќе биде сончево а во попладневните и во вечерните часови локално на повеќе места ќе се развиваат конвективни облачни грмотевични јадра од кои е можна појава на пороен дожд, грмежи и засилен ветер.
Наутро температурите ќе се спуштаат во интервалот од 15 до 22 степени, а преку денот тие ќе се искачуваат во интервалот од 33 до 40 степени.
Во Велес денес ќе биде сончево со многу топло време со повремено засилен ветер претежно од западен правец. Во попладневните и во вечерните часови во делови од регионот и од котлината ќе има услови за развој на нестабилна облачност, проследена со пороен дожд, грмежи, силен ветер и услови за појава на невреме со град. Максималната температура се очекува да се искачи до 40 степен.
