Од Агенцијата за управување со одземен имот информираат дека наскоро на продажба ќе го дадат одземениот имот на поранешниот премиер Никола Груевски и на поранешниот шеф на УБК, Сашо Мијалков. Проценетата вредност на овој имот е околу 29 милиони евра
Ќе се продаваат станови, апартмани, гаражи, деловен простор и градежно земјиште. Овие имоти на Груевски и на Мијалков им беа одземени во неколку судски процеси против нив. Ќе се продаваат станови на улицата „Бихаќка“, апартмани во „Панорама резиденс“, станови во Охрид, плацеви на Водно, во Центар…
Во првата продажба на одземениот имот на Мијалков фирмата на неговиот син Јордан Мијалков, „Бест веј инвестментс“ за околу 300.000 евра ги купи трите стана и една гаража на Водно.
