Основното јавно обвинителство во Куманово денеска објави дека е оформен предмет во врска со ситуацијата на Крива Река и тврдењата на општината за загадување по хаваријата во рудникот Тораница. Сепак, од обвинителството нагласуваат дека до овој момент не е пристигната официјална пријава од општината.
„Досега, кривична пријава од општината Крива Паланка не е поднесена, но обвинителството веќе презема мерки. Оформен е предмет, а ОЈО ги повика инспекторите за животна средина, кои извршија контрола. Тие доставија извештај од своето постапување до обвинителството. ОЈО продолжува со преземање на други дејствија, вклучително и издавање наредби и вештачења“, информираа од ОЈО Куманово за МИА.
