Пристигна дел од терапијата што недостасуваше на Клиниката за радиотерапија и онкологија. Оттаму велат дека пациентите ќе бидат известени кога да дојдат за апликација на терапијата и за подигнување на таблетарната терапија.
Додаваат дека е зголемен буџетот и набавуваат седум нови лекови за различен вид канцер. Кризата на дел од терапијата траеше еден месец, а онколошките пациентите беа во страв, паника и загриженост за недостигот и колку долго тој би траел.
„Пациентите благовремено ќе бидат известени од страна на персоналот на УК за радиотерапија и онкологија за кога да дојдат за апликација на терапијата и/или за подигање на таблетарната терапија“, појаснуваат од клиниката.