Поради високиот водостој на реката Вардар, полицијата времено ја прекина потрагата по велешанец Спасе Димовски (51), кој на 6 август, беше однесен од надојдената Белештевичка река, во близина на сливот во Вардар.
Досегашните обиди на полицијата да го пронајдат телото на Димовски во Вардар се неуспешни. Изминатите денови биле ангажирани и специјалци со дресирани кучиња кои можат да пронајдат лица покриени со чакал, песок или земја, но ниту тие не успеале да помогнат, исчезнатиот да биде лоциран.
Спасе Димовски исчезна, кога кај велешкото село Белештевица, на место викано Лавчани, се обидел со трактор да извлече возило во кое се наоѓала екипа на ЕВН, која отстранувала претходно настанат дефект. Од надојдената вода човекот и возилото на ЕВН биле однесени кон реката Вардар.
Можеби ќе ве интересира:
