Продолжуваат претреси на неколку локации поврзани со истрагата за петте тони марихуана запленета минатата недела во Србија, за која српските власти тврдат дека влегла од Македонија.
Се постапува по наредба на Обвинителството за гонење на организиран криминал и корупција кое ја води истагата, а се проверуваат објекти на фирми кои одгледувале марихуана за медицински цели.
Според досегашните информации од српските власти, марихуаната во Србија влегла од Македонија, а еден од приведените е косопственик во скопската компанија регистрирана за одгледување канабис за медицински цели.
Обвинителството за гонење организиран криминал и корупција информираше дека е оформен предмет и дека веќе се разменуваат информации со српските обвинителски органи.
