Времето денеска ќе биде променливо облачно со повремени сончеви интервали. Ќе дува умерен северен ветер, а во Повардарието повремено ќе биде и засилен со брзина поголема од 50 километри на час. Утринските температури ќе се движат од 6 до 14 степени, додека дневните ќе достигнат меѓу 20 и 28 степени.
Според прогнозите, и во петок како и за време на продолжениот викенд ќе преовладува нестабилно време со променлива облачност. На повеќе места се очекуваат врнежи од дожд проследени со грмежи и засилен ветер.
Наместа се можни и поинтензивни временски процеси во форма на невреме, со обилни врнежи над 20 литри на метар квадратен, силни грмежи и ветер со брзина над 60 километри на час.
