Управата за хидрометеоролошки работи (УХМР) за денеска најавува сончево и исклучително топло време со мала до умерена облачност. Во попладневните и вечерните часови се очекува локална нестабилност проследена со пороен дожд, грмежи, засилен ветер и услови за изолирано невреме со појава на град, а ќе дува слаб до умерен, а наместа повремено засилен ветер од северозападен правец.
Според прогнозата на УХМР, денешните минимални температури ќе се движат од 16 до 23 степени, а максималните од 32 до 35 степени.
Слично време се очекува и во Велес, каде претпладнето ќе биде сончево и многу топло со мала до умерена облачност, но попладне во делови од велешката котлина ќе има појава на дестабилизација со пороен дожд, грмежи и засилен ветер, а температурата во Велес ќе се движи од 16 до 35 степени.
