Полицијата во Грац потврди дека неколку лица се убиени, а има и ранети во нападот во средното училиште „Драјершиценгасе“. На прес-конференцијата тие одбија да го кажат точниот број на жртви, но некои австриски медиуми објавија дека има најмалку девет убиени, вклучувајќи го и осомничениот напаѓач.
Четири хеликоптери беа активирани за транспорт на ранетите во нападот. Според информациите од Krone, итната помош и шок-собите во болницата LKH во Грац се преоптоварени по пукањето. Точниот број на ранети не е познат, но австриските медиуми објавија дека е двоцифрен.
Насилникот наводно бил ученик во училиштето и се сметал за жртва на злоупотреба. Наводно станува збор за 22-годишен маж кој легално поседувал оружје – пиштол и пушка, пишува Salzburger Nachrichten. Една од училниците каде што пукал наводно е неговата поранешна училница.
Полицијата вели дека училиштето сега е обезбедено и нема натамошна опасност.
Според австриските медиуми, се екипираат локалните болници, а повредените ученици се прегледуваат во блиската концертна и изложбена сала.
