Шест кражби, од кои едно разбојништво се пријавени во првите четири дена од април во Велес. Ова ја потврдува се поголемата загриженост на граѓаните, кои сведочат за секојдневни грабежи и обиди за кражби во куќи и автомобили низ градот. Посебно е погодена левата страна на градот. Револтираните граѓани кои живеат во околината на Црна џамија вчера одржаа средба, на која потпишаа петиција со барања до полицијата за расветлување на кражбите и поголема контрола во овој реон на градот.
Дека кражбите во Велес се во подем покажуваат и бројките на СВР Велес. Од февруари наваму, секој месец се регистираат се повеќе грабежи и разбојништва.
Содржината продолжува под рекламата
„Во текот на февруари на територијата на Велес пријавени се 11 тешки кражби и една кражба во куќа, од кои три биле во напуштени куќи. СВР Велес расчисти седум тешки кражби и една кражба. Во текот на март пријавени се 12 тешки кражби и две кражби, од кои седум биле во напуштени куќи. СВР Велес расчисти три тешки кражби, а за четири се добиени сознанија за сторителите и по целосно документирање ќе бидат поднесени соодветни поднесоци. Во текот на април пријавени се пет тешки кражби и едно разбојништво, од кои две тешки кражби се расчистени. СВР Велес ги информира граѓаните дека и понатаму ќе продолжи да ги исполнува законските обврски за обезбедување на безбедноста и имотот на граѓаните“, велат од СВР Велес.
Содржината продолжува под рекламата
Во меѓувреме, читател ни испрати видео од надзорна камера во неговиот двор, на кое е фатен моментот кога крадец, среде бел ден, влегува во подрумските простории на куќата и краде билнаци со ракија.
Можеби ќе ве интересира:
